"Barselona" insaydlari La Masiyadan ozgina tashqariga chiqishi bilan uyog'ini shov-shuv ovlab yuruvchilar ilib ketishdi. Muammo rostdan ham bor. MuammoLAR. Birinchidan, Pike klub Prezidenti Bartomeu bilan kelisha olmayapti. Sabab, Pike o'z biznesi bo'lmish prodakshn kompaniyasiga ko'p vaqt ajratmoqda. Bartomeuga bu yoqmayapti. Ikkinchidan, Messiga ham bu konflikt yoqmagan holda Pike bilan o'rtada munosabat sal sovuqlashdi. Uchinchidan, sport direktori Erik Abidal jamoadan ketgan Valverde ortidan salbiy mazmundagi fikr bildirdi, javobgarlikni esa futbolchilarga to'nkadi. Messi instagram orqali Abidalni urishib berdi. Bu vaziyatda Leo to'g'ri pozitsiyada, fikrimcha. Ketib bo'lgan klub ishchisi, buning ustiga bir necha titul yutgan Valverde ko'proq hurmatga loyiq. Yuqoridagilar hammasi bor gap. Lekin, “La Gazzetta dello Sport” nashrining Messi jamoadan ketishi borasidagi gapi jurnalist fantaziyasidan boshqa narsa emas. Lionel Messi nega jon kuydiryapti deb o'ylaysiz? Chunki uning maydondagi va undan keyingi faoliyati "Barselona" va faqat "Barselona" bilan bog'liq. Mabodo qachondir ketsa, hatto butsani mixga ilgandan keyin ham, bilingki o'sha davrning klub boshqaruvchilari tarixdagi eng rasvo rahbarlar bo'ladi. Davron Fayziev.