«Barselona» sardori Lionel Messi klub sport direktori Erik Abidal bilan bo'lib o'tgan mojaroga qaramay, jamoani tark etmoqchi emas. Bu haqda "Sky Sports" nashri xabar tarqatdi.Manbaga ko'ra, argentinalik futbolchi kamida 2021 yilning yoziga qadar tuzilgan shartnomasining oxirigacha klubda o'ynamoqchi. Boz ustiga, 32 yoshli futbolchi jamoa rahbariyati bilan yangi shartnomani muhokama qilishga tayyor.Messi ushbu mavsumda barcha musobaqalar doirasida 25ta o'yinda maydonga tushib, 19ta gol urdi va 12ta golga uzatma berdi.