"Barselona"ning La liga 23-turi doirasida Kike Setenning sobiq jamoasi — "Betis" maydoniga safari ancha qiyin bo'ldi. Uchrashuv boshidayoq to'p Langlening qo'liga tekkani uchun hakam VAR yordamida kataloniyaliklar darvozasiga penalti belgiladi. Kanales esa undan samarali foydalanib, hisobni ochdi. Oradan 3 daqiqa o'tib Messi raqib jarima maydoni tomon yugurayotgan de Yongni ko'rdi va unga ajoyib uzatma berdi. Frenki birinchi urinishda to'pni o'ziga bo'ysundirdi va ikkinchi harakatda to'pni erga tushirmasdan darvozaga joyladi.Taym o'rtalarida Nabil Fekir 16 metrdan aniq zarba berib, darvozani ishg'ol qildi. Bo'limga qo'shib berilgan daqiqalarda esa Messi jarima zarbasini amalga oshirdi. Raqib jarima maydoni ichida paydo bo'lgan Buskets to'pni egalladi va hisobni tenglashtirdi — 2:2.Ikkinchi bo'limda "Barselona" uchun yana bir bir "standart" samara keltirdi. Lionel tomonidan etkazilgan uzatmani Langle raqib darvozaga joylab qo'ydi. Qolgan daqiqalarda Fekir va Kleman Langle maydondan chetlatilgani bois jamoalar so'nggi 15 daqiqani maydonda 10 kishi bo'lib o'tkazishdi. Ushbu g'alabadan so'ng "Basrelona" o'z ochkolaini 49taga etkazib, peshqadam "Real" bilan oradagi farqni 3 ochkoligicha saqlab qoldi.Ispaniya La ligasi, 23-turBetis – Barselona 2:3 (2:2, 0:1)Gollar: 1:0 – 6, penalti Kanales, 1:1 – 9 de Yong, 2:1 – 26 Fekir, 2:2 – 45+2 Buskets, 2:3 – 72 Langle. Betis – Robles, Emerson, Mandi, Bartra, Moreno, Rodriges (Telo, 86), Alenya, Kanales, Vilyam Karvalyu (Xoakin, 70), Fekir, Iglesias (Moron, 62).Barselona – ter Stegen, Semedu, Umtiti, Langle, Firpo (Alba, 57), Buskets, Serji Roberto, de Yong, Vidal (Artur, 57), Messi, Grizmann (Rakitich, 89).Ogohlantirishlar: Langle (5), Serji Roberto (29), Vidal (32), Emerson (36), Mandi (45), Buskets (57), Rodriges (72), Fekir (76).Chetlatishlar: Fekir (76), Langle (79).