УСТОЗ ВА ШОГИРД

Боксда Муҳаммад Али ва Майк Тайсонни зарбаларининг ҳисобига, виртуал кўринишда бўлса ҳам “рингга олиб чиқишган”. Зарбаларининг тезлигига кўра, реакциялари ҳисобига ким кимдан устунлигини тахминан аниқлашган. Аслида бу нарсалар воқеликка умуман мос тушмайди.

Футболда ҳам бугун шунга ўхшаш ҳодиса содир бўлиши кутилмоқда.

Неаполдаги ўйин марказида Месси ва... умуман бу ўйинга алоқаси бўлмаган Марадона бўлиб қолди.

Устоз ва шогирд ўртасидаги учрашув.

Ўйлашимча, шу гап-сўзлар Леога босим юклаши мумкин, аслида Диегога қарши ўйнамаётган бўлса-да.

“Наполи” футболчиларига ҳам. Улар гўёки Марадона шаъни учун майдонга тушадилар.

Гаттузо ҳам мотивацион нутқида шу деталга урғу берган, менимча. Ҳар бир йигит майдонга Марадона бўлиб майдонга тушиши лозимлигини уқтирган.

Демак, тарихий ўйин кузатишимиз мумкин ростанам.

Месси “ўн битта Марадона”га қарши тўп суради. Кўзлари Диегога ўхшаб ёниб турган шартли Марадоналар қарши олишади “шогирд”ни.

Қайноқ Неаполга “Марадона даври” қайтгани билан қадимги футбол ишқибозларини табриклаймиз. Кўзойнакни яхшилаб артиб оинаи жаҳон қаршисига келиб ўтириб олаверасиз.

Шарҳида Ҳасан Турдиалиев. У катталардан эшитган Марадона даражасини. Бугун бевосита "гувоҳи"га айланади.