Evropa chempionlar ligasining nimchorak final bosqichi doirasida navbatdagi o'yinlar bo'lib o'tdi. "Napoli" o'z uyida "Barselona"ni qabul qilib, durangga imzo chekdi. Birinchi bo'limda to'p nazorati bo'yicha ustunlik to'laligacha kataloniyaliklar tomonida bo'ldi. Gattuzo shogirdlari esa ishonchli himoyalanib, ularga darvoza sari yaqinlashish imkonini bermadi. Birinchi taymda Seten jamoasining hujumlariga rang-baranglik etishmadi. Aksincha, bahsning 30-daqiqasida mezbonlar qarshi hujumdan unumli foydalanib, hisobni ochishdi. Dris Mertens 16 metrdan yo'llagan zarbani Ter Shtegen qaytara olmadi. Ikkinchi bo'limda esa "Barsa" o'z hujumlariga tezlik va turli-tumanlik qo'shdi. Natijada Buskets-Semedu-Grizmann kombinatsiyasidan keyin Antuan hisobni tenglashtirdi. Oradan ko'p o'tmasdan esa Buskets o'z jarima maydoni yaqinida qo'pol xatoga yo'l qo'ydi. To'pni egallagan neapolliklar o'ta xavfli hujum tashkil qilishdi. Kalexon yakkama-yakka vaziyatda yo'llagan zarbani Mark-Andre ter Shtegen oyoqlari bilan qaytarib qoldi. O'yin tugashiga 2 daqiqa qolganida esa Arturo Vidal bir vaziyatning o'zida ikkita sariq kartochka olib maydonni tark etdi. Chililik futbolchi bitta "sarig'i"ni raqib futbolchisi bilan tortishgani uchun, ikkinchisini hakam bilan bahslashgani uchun oldi. Qolgan daqiqalarda hisob o'zgarmadi va dastlabki to'qnashuvda durang qayd etildi. Javob uchrashuvi 18 mart kuni "Kamp Nou"da bo'lib o'tadi.EChL, nimchorak final, dastlabki o'yinNapoli Italiya – Barselona Ispaniya 1:1 (1:0)Gollar: 1:0 – 30 Mertens, 1:1 – 57 Grizmann. Napoli – Ospina, Maksimovich, Mariu Ruy, Di Lorentso, Manolas, Zelinski, Fabian Ruis, Insine, Demme (Allan, 80), Kalexon (Politano, 74), Mertens (Milik, 54).Barselona – ter Stegen, Umtiti, Semedu, Pike (Langle, 90), Firpo, de Yong, Vidal, Rakitich (Artur, 56), Buskets, Grizmann (Fati, 87), Messi.Ogohlantirishlar: Buskets (49), Insine (61), Messi (66), Grizmann (83), Mariu Ruy (89), Vidal (89).Chetlatish: Vidal (89).