Madridning «Real» klubi bosh murabbiyi Zinedin Zidan Toni Kroosni “Manchester Siti”ga qarshi o'yinda maydonga tushirmaganidan afsusda emasligini aytib o'tdi.

«Nima uchun kerakli natija qo'lga kiritilmagani haqida matbuot doim qandaydir sabablarni izlashga intiladi. Bu safar juda ko'plab jurnalistlar Toni Kroos maydonga tushmagani sabab, “Manchester Siti”ga imkoniyat boy berilganligi haqida yozishdi, ammo bunday emas.

Tarkibni boshqacha ko'rinish olishiga qaror qildik. Tarkibimizda etarlicha yaxshi o'yinchilar bor, qo'l ostimdagi har bir futbolchi uchun boshlang'ich tarkibdan joy topib bo'lmaydi. So'nggi paytlardagi natijalarimiz yaxshi emasligini tan olaman, lekin ba'zida bunday narsalar bo'lib turishini unutmaslik kerak.

“Barselona” bilan bugun bo'lib o'tadigan o'yinda ko'p narsalarni o'zgartirishimiz kerakligini bilamiz. Baxtimizga buni oshirish uchun jamoada etarlicha kuchli futbolchilar bor», — dedi Zinedin Zidan.