Krishtianu Ronaldu "Real"ni tark etganidan so'ng "Barselona" hujumchisi Lionel Messi "el-klasiko"larda birorta ham golli vaziyatlarda ishtirok etmadi. Portugaliyalik futbolchi "Yuventus"ga o'tib ketganidan so'ng "ko'k-anorranglilar" va "qirollik klubi" 4 marta to'qnash kelishdi. Ammo argentinalik futbolchi bu bahslarda nafaqat gol ura olmadi, balki golli uzatmani ham amalga oshirmadi.U so'nggi marta 2018 yilning may oyida "Real"ga qarshi uchrashuvda (2:2) gol urgan edi. Eslatib o'tamiz, Ronaldu 2018 yilning yozida 117 million evro evaziga "Yuventus"ga o'tib ketgan edi.