Koʻrinishidan, koʻp futbolchilar oʻzlarining klubdagi kelajaklaridan havotirga tushib qolishganga oʻxshaydi. Baʼzilari esa o'z faoliyatlarini "Barcelona"da davom etish ularning karyeralariga salbiy taʼsir qilishi mumkinligi haqida qaygʻurishmoqda.

Ehtimol "Santiago Bernabeu"da qabul qilingan "tarsaki" klubdagi yanada koʻproq chalkashlikka sabab boʻlgandir. Yangilik tarqatuvchi sport nashrlari esa "Barselona"dagi krizisdan unumli foydalanib qolishmoqda. Kuniga bosib chiqarilayotgan bir-biriga qarshi yangiliklar qalashib yotibdi. Zero, soxta yangiliklar haqiqiylaridan ajratib olish anchayin mushkul vaziyat ayni paytda. 

Biroq, nashrlar tarqatayotgan xabarlarning bor-yoʻgʻi bir qismigina toʻgʻri boʻlgan taqdirda ham, bu "Barcelona" tarkibidagi ziddiyatlarni osongina tushunib olishga kifoya qiladi, ayniqsa, "veteranlar" bilan yoshlar oʻrtasidagilari. 

Ter Shtegenga aloqador boʻlgan oxirgi mish-mishlar Kataloniya klubi muxlislarini biroz ranjitishi shubhadan holi emas. Nemis darvozaboni o'zining klubdagi kelajagidan unchalik koʻngli toʻlmayapti. U klubning maydonda va maydon tashqarisida boshqarilishidan norozi. U mashgʻulotlarning shiddati baland emasligidan juda havotirda. Hattoki u jamoadoshlaridan biriga keyingi yil "Barcelona"da qolish-qolmasligi nomaʼlumligini aytgan. U shunchaki shikoyat qilayotgan oʻyinchilardan biri, holos. "Barsa"ning baʼzi futbolchilari Sitien va uning yordamchilari uchun ancha kattalik qiladi. Mark gollandiyalik yarim himoyachi de Yong "Barselona"ning yangi oʻyin uchun tayyorgarligi toʻgʻrisidagi tashvishlarini oʻrinli deb hisoblaydi. Ularning Sitien qoʻl ostida ijobiy tomonga oʻzgarish boʻlayotganidan ishonchlari komil emas. Oldinroq de Yong formasini yuqori darajada ushlab turish uchun oʻziga shaxsiy murabbiy yollagani haqida xabar berilgan edi. Shunga qaramay, uning texnikasi biroz pasaygani kuzatilyapti.  Hatto germaniyalik posbon jamoadan ketayotganiga ishora qilishi ham, klub ishqibozlari oʻrtasida jiddiy "isyon"ga sabab boʻlishi mumkin. Chunki u klubdagi ikkinchi oʻrinda turadigan eng qadrli futbolchi sifatida tanilgan.