Ushbu ruknimizdagi eng so'nggi yangiliklar bilan tanishtirishda davom etamiz.
“Yuve” Iguaindan qutulmoqchi
Turinning “Yuventus” jamoasi yozda argentinalik hujumchi Gansalo Iguainni sotib yuborishni rejalashtirmoqda. Aslida, Gansalo va klub o'rtasidagi shartnoma yana bir yarim yil davom etishi mumkin, biroq Turinsuperklubi uning o'rniga yosh va kuchli hujumchilardan birini jalb etmoqchi.
“Tuttosport ” nashri bergan xabarlarga qaraganda, klub shortlistida Verner, Jezuz va Ikardi singari futbolchilar mavjud.
Eslatib o'tamiz, Iguain ushbu mavsumda 23 ta uchrashuvda maydonga tushdi va 5 ta gol kiritishga muvaffaq bo'ldi.“Arsenal” Malenni ortga qaytarmoqchi
Londonning “Arsenal” jamoasi PSV hujumchisi Donuel Malleni ko'z ostiga olib qo'ydi. “Le10sport” nashri bergan xabarlarga ko'ra, “kononirlar” yozda gollandiyalik futbolchini 50 millionga sotib oladi.
Shuni ta'kidlab o'tish joiz-ki, Mallen PSV safiga o'tguniga qadar ikki yil davomida London klubi akademiyasida shug'ullangan edi.
Shuningdek, “Arsenal” yozda Merih Demirelning ham transferini amalga oshirishga yaqin turibdi. Manbaning bergan xabarlariga ko'ra aynan shu ikki futbolchi yozda “to'pchilar”ning asosiy nishoniga aylanadi.Rakitich qoladimi?
Kataloniyaning “Barselona” jamoasi yarim himoyachisi Ivan Rakitich yozda klubdan ketishi aniq bo'ldi. Ma'lumotlarga qaraganda, klub futbolchi bilan bu borada kelishib olgan va barchasi osonlik bilan amalga oshishi tahmin qilinmoqda.
“Mundo Deportivo” nashri bergan xabarlarga tayanadigan bo'lsak, xorvatiyalik futbolchi o'z faoliyatini Madridning “Atletiko” safida o'tkazishi haqiqatga yaqin turibdi.
Shuningdek uning hizmatlari bilan Italiyaning bir nechta klublari ham jiddiy qiziqish bildirmoqda.Perishich qoladimi?
Ayni damda ijara asosida “Bavariya” sharafini himoya qilayotgan Ivan Perishichning klubda qolishi borasidagi savol hali-hamon ochiqligicha qolmoqda.
“FootballItalia” nashri bergan xabarlarga qaraganda, Myunhen klubi Perishichning transferini sotib olishi mumkin. Shuningdek, “Kicker” nashri ham Perishich Myunhenda qolishi borasida rasmiy ma'lumot tarqatishni boshladi.
Huquqlari Italiyaning “Inter” jamoasiga tegishli bo'lgan xorvatiyalik futbolchining o'zi ham Myunhenda qolishni istamoqda. Ayni damda futbolchining agenti hech qanday sirni oshkor qilmagan bo'lsada, katta ehtimol bilan Ivan “Bavariya”ni tark etmaydi.Villian uchun yangi nomzdo paydo bo'ldi
Londonning “Chelsi” jamoasi yarim himoyachisi Villian yozda PSJ klubiga o'tishi mumkin.
Bu haqida Britaniya nashrlari ma'lum qilmoqda. Shuningdek “Le10sport” nashri bergan ma'lumotga ko'ra, braziliyalik futbolchi Parijga ko'chib o'tishi mumkin.
Gap shundaki, futbolchi va “Chelsi” yangi shartnoma borasida kelishuvga erisha olmayapti. Shu sababli, Villian kamida 3 yillik shartnoma taklif qilishga qodir jamoada to'p surish niyatida ekanligini yashirib o'tirmadi.
Manba bergan xabarga ko'ra yarim himoyachi uchun Parij klubi 3 yillik shartnoma taklif qilishga tayyor ekanligini ma'lum qilgan.
Hozircha ushbu transfer borasida yangi ma'lumotlar yo'q, biroq Villianning yozda Londonni tark etishi tobora haqiqatga aylanib bormoqda.