Hozirgi kunda futbolda aqlbovar qilmas narxlar ishlatilmoqda: transferlarda, maoshlarda, homiylik shartnomalarida, o‘yinlarga biletlarda. Hozirda biror narsani o‘z narxida sotib olish juda qiyin bo‘lib qoldi. Agarda jamoa pulni tejashni xohlasa, futbolchini jamoaga qo‘shib olish uchun futbolchining shartnoma muddati tugab erkin agentga aylanishini ko‘zlab turadi.
Yozda yuzlab futbolchilar erkin agentga aylanishadi. Biz esa hozir shular orasidan eng mashhur 10 futbolchining ro‘yhatini taqdim etamiz.
1.Villian “Chelsi”
Lempardning jamoaga kelishi bilan Villian o‘zining yuqori formasiga qaytdi. 31 yoshli futbolchi hozirda “Chelsi”ning etakchilaridan biri. Sardorlik bog‘ichini ham tez-tez taqib turibdi.
Uning yoshini hisobga olgan holda, klub futbolchiga yangi shartnoma taklif qilish borasida shoshayotgani yo‘q. Villianga bir qancha jamoalar, jumladan: “Barselona”, “Yuventus” qiziqish bildirishmoqda.
Balki, Villian, uning o‘rnida bo‘lishni istayotgan Kallum Xadson-Odoi va Kristian Pulishichlar borligiga qaramasdan jamoada qolar.
1.Rayan Freyzer “Bornmut”
“Bornmut” vingeri yozda erkin agent bo‘lishi kutilayotgan yulduzlardan biri. U hatto, asosiy tarkibda ham maydonga tushmayapti.
Tezkor futbolchilarni yoqtiradigan “Arsenal” Freyzerga doimo jiddiy qiziqish bildirib kelgan. Yaqinda esa qishki transfer oynasida “Manchester Yunayted” futbolchini sotib olishga uringani haqida mish-mishlar tarqaldi.
Toma Myone “PSJ”
28 yoshli belgiyalik futbolchi “PSJ”ning superyulduzlaridan biri emasdir, ammo Tuxel jamoasining asosiy futbolchilaridan biri hisoblanadi. Futbolchining o‘zi ham yaqinda “Park de Prens”ni tark etmoqchi ekanligini aytib o‘tgan.
Jamoa tanlashda qiyinchilikka duch kelmasligi aniq. Unga “Yuventus” va bir qancha APL jamoalari qiziqish bildirmoqda. Yanvarda “MYu” uni safiga qo‘shib olishiga bir bahya qoldi. Ammo negadir transfer amalga oshmadi.
1.Dris Mertens “Napoli”
Dris Mertens “Napoli”dan ketishi aniq. Ammo qaerga ekanligini aniqlash qoldi, xolos. Dris Mertens Neapolda almashtirib bo‘lmas futbolchi va afsonaga aylandi. “Napoli”dagi eng yaxshi mavsumi – 2016/2017 yilgi mavsum hisoblanadi. O‘shanda Mertens 46 ta o‘yinda 34 ta gol urgan edi.
Yaqindagina Diego Maradonaning rekordini yangiladi. Endi u Maradona urgan 115 ta goldan ham o‘zib ketdi. Mertensni o‘ziga qo‘shib olishni istovchi jamoalar – Xitoyning bir qancha klublari, “Atletiko”, “Inter”, “Milan”, “Yuventus” va “Chelsi”.
Edinson Kavani “PSJ”
Doimo ikkinchi bo‘lishdan charchagan Kavani “PSJ”dan ketishini e’lon qildi. Jamoadagilar uning qaroridan hayron qolishdi, ammo nima ham qila olishardi.
Qishda transfer amalga oshishi mumkin edi, lekin negadir bu ro‘y bermadi. Yozda esa erkin agentga aylanishi kutilayotgan futbolchi uchun kurash jiddiy tus oladi.
O‘zining sobiq jamoasi – “Napoli” futbolchini o‘z safiga qo‘shib olishga urinadi. Yana “Chelsi” va “Manchester Yunayted”lar ham hujumchi uchun kurashga kirishi kutilmoqda.
1.Nemanya Matich “Manchester Yunayted”
Yanvar oyida ko‘pchilik Matichni “Inter”ga o‘tishini kutgan edi. Ammo buning o‘rniga u Maktominayning jarohati tufayli “MYu”ning markazida eng muhim futbolchiga aylanib qoldi. Jamoada Fred va Bruno Fernandeshlar borligini hisobga olsak, “Qizil iblislar” Matichga yangi shartnoma taklif qilmasligi ehtimolga yaqinroq.
Mario Gyottse “Borussiya Dortmund”
2014 yilgi mundial finali qahramoni o‘sha davrlardagidek o‘yinini ko‘rsata olmayapti. “Bavariya”ga o‘tishi, keyin yana “Borussiya”ga qaytishi, futbolchining faoliyatida pasayish kuzatilishiga sabab bo‘ldi.
Yozda erkin agentga aylanishi kutilayotgan futbolchi istalgan jamoaning asosiy tarkib futbolchisiga aylanishi mumkin. Balki, o‘zining mashhur futbolchi bo‘lib etishishiga yordam bergan sobiq ustozi Yurgen Klopp yoniga borar. Voqealarni esa kuzatamiz.
1.Xose Kalexon “Napoli”
Ispaniyalik futbolchi “Napoli”ning afsonasiga aylanmagan bo‘lsa-da, etti mavsum davomida urgan 79 ta goli unga nisbatan hurmat saqlashga asos bo‘ladi. Erkin agentga aylangach, futbolchiga qiziqish bildiruvchi jamoalar ko‘p bo‘lishiga shubha yo‘q.
32 yoshli futbolchi ikkala qanotda ham bemalol o‘ynay oladigan universal vinger hisobanadi. Xose Ispaniyaga qaytishi mumkin. Chunki unga “Espanol” jiddiy qiziqish bildiryapti. Balki sobiq ustozi Karlo Anchelotti uni Angliyaga chaqirar.
Yan Vertongen “Tottenxem”
“Shporlar” Tobi Alderveyreldni jamoada saqlab qola oladi. Endi esa Vertongenni ham qolishiga umid qilishyapti.
32 yoshli himoyachi jamoaning eng asosiy futbolchilaridan biri hisoblanadi. Uning agenti ham futbolchi “shporlar” bilan yangi marralarni zabt etmoqchi ekanligini ta’kidlab o‘tgan.
Shunday bo‘lishiga qaramasdan futbolchiga “Inter”, “Napoli” va “Ayaks” jiddiy qiziqish bildiryapti.
1.Blez Matyuidi “Yuventus”
Ko‘pchilik Matyuidini o‘tgan yozdayoq jamoani tark etishini kutishgan edi. Bunga sabab jamoa Aaron Remzi va Adrian Rabolarni sotib olgani bo‘ldi. Lekin frantsuz jamoada qoldi. 2020 yilda shartnomasi yakuniga etadigan futbolchi katta ehtimol bilan erkin agentga aylanadi.