Fransiyaning “Pari-Sen Jermen” klubi yulduz futbolchisi Neymarni “Barselona”ga o‘tmasligi uchun yangi taklif tayyorladi. Bu haqda italiyalik taniqli insayder, jurnalist Nikolo Skira xabar bermoqda.

“Barselona” sobiq futbolchisini qaytarmoqchi bo‘lsa-da, “PSJ” Neymarni o‘z safida qoldirish yo‘lini izlamoqda. “PSJ” egasi Nosir Al-Xelayfi xohishi bilan parijliklar klubi sport direktori Leonardo braziliyalik yulduzni Fransiyada qolishi uchun unga faoliyatidagi rekord shartnoma – 2025-yilgacha mo‘ljallangan yillik 38 million yevro maosh berishga tayyor», - deya yoziladi manbada.

Parijliklar hozirgi sharoitda Kataloniya klubining Neymar uchun transfer puli va “PSJ” taklif qilayotgan katta maosh bera olmasliklariga ishonishmoqda.

Eslatib o‘tamiz, Neymar 2017-yilda “Barselona”dan “PSJ”ga 222 million yevro evaziga o‘tgan edi. 27 yoshli forvard “PSJ” safida 80 o‘yinda 69ta gol, 39ta golli uzatmaga mualliflik qildi. Braziliyalikning amaldagi shartnomasi 2022-yilgacha imzolangan.

Manbaa: tribuna.uz