“Inter” klubi sobiq futbolchisi Alvaro Rekoba “Barselona” forvardi Lionel Messi afsonaviy hamyurti Diyego Maradonadan kuchli ekanini aytdi.

“Messi tarixdagi eng zo‘r futbolchi deb o‘ylayman. Bolaligimda Diyego Maradona qanday o‘ynaganini ko‘rganman. U aql bovar qilmas edi, ammo Messi bu juda uzoq vaqtdan buyon davom etayotgan hodisa. Buni hamma ham tushunmaydi, lekin u faoliyatini tugatgach, buni albatta tushunib yetishadi”, - deydi Rekoba.

Messi butun faoliyatini “Barselona”da o‘tkazib kelmoqda. U o‘tgan davr mobaynida kataloniyaliklar safida jami 718 ta o‘yinda maydonga tushdi va o‘z hisobiga 627 ta gol hamda 261 ta golli uzatma yozdirib qo‘yishga erishdi. U “ko‘k-anor ranglilar” bilan birga 10 karra Ispaniya chempioni va 4 karra Chempionlar ligasi g‘olibi bo‘ldi. Bundan tashqari, Leo Argentina terma jamoasi tarkibida 138 ta o‘yinda maydonga tushdi va 70 ta gol urdi.

Manbaa: sports.uz