Mundo Deportivo nashrining tarqatgan ma'lumotiga qaraganda, Kataloniyaning «Barselona» klubi «Inter» hujumchisi Lautaro Martinesni sotib olish fikridan qaytdi va bor e'tiborini «RB Leyptsig» to'purari Timo Vernerga qaratdi.

Kataloniyaliklar argentinalik hujumchini qo'lga kiritish qiyin bo'lishini bilardi, shu sababli, "B reja" sifatida germaniyalik to'purar futbolchining variantini saqlab turishgandi.

Qayd etilishicha, "Barselona" klubi texnik direktori Erik Abidal va uning o'rinbosari Ramon Planes Germaniyaga yo'l olishda va Vernerning "Barselona"ga o'tish yoki o'tmasligini bilish uchun uning otasi bilan muzokara olib borishdi.

Eslatib o'tamiz, «RB Leyptsig» hujumchisiga «Liverpul», «Bavariya» va «Inter» klublari ham davogarlik qilishmoqda.