"Marca" nashri futbol tarixidagi eng omadsiz futbolchilar va murabbiylar reytingini tuzib chiqdi. Bunda ularning xalqaro musobaqalar (klub va terma jamoa bilan)ning hal qiluvchi final o'yinlaridagi mag'lubiyatlari inobatga olingan.Demak, «Barselona» klubi va Argentina terma jamoasi yarim himoyachisi Xaver Maskerano ushbu reytingda peshqadam sifatida e'tirof etildi. U faoliyati davomida ishtirok etgan finallarning 11tasida (5 marta terma jamoada, 6 marta klub safida) mag'lubiyatga uchragan. Ammo Maskerano faoliyatida 20dan ortiq sovrin qo'lga kiritganini ham ta'kidlash lozim.Ikkinchi o'rinni «Manchester Yunayted» klubi va Frantsiya terma jamoasi sobiq himoyachisi Patris Evra egalladi. U Chempionlar ligasi finalida eng ko'p yutqazgan o'yinchi hisoblanadi — 4 marta. Shuningdek, u Evro-2016 finalida Frantsiya terma jamoasi safida Portugaliyaga imkoniyatni boy bergan.Uchinchi pog'onani esa «Chelsi», «Real», «Bavariya» klublari va Niderlandiya terma jamoasining sobiq yarim himoyachisi Aren Robben band etdi. Futbolchi faoliyati davomida 6ta hal qiluvchi uchrashuvda (2 — EChL, 3 — Evropa superkubogi, 1 — JCh-2010) mag'lub bo'lgan.O'zbekiston terma jamoasining sobiq bosh murabbiyi Ektor Kuper muvaffaqiyatsizlik borasida reytingning 5-pog'onasini band etdi. U "Valensiya" bilan Evropa chempionlar ligasi finaliga 2 marta etib borib, ikkalasida ham mag'lub bo'lgan. Shuningdek, uning hisobida Kubok egalari kubogi hamda Afrika millatlar kubogi musobaqalarida 1 martadan mag'lubiyat mavjud."Omadsizlar" reytingi quyidagicha (top-10): 1. Xaver Maskerano. 11ta finalda yutqazgan.2. Patris Evra. 5ta finalda yutqazgan.3. Aren Robben. 6ta finalda yutqazgan.4. Mixael Ballak. 6ta finalda yutqazgan.5. Ektor Kuper. Murabbiy 6ta finalda yutqazgan, jumladan, EChL finalida — 2 marta, Kubok egalari kubogi finalida 1 marta.6. Alessandro Del Pero. 4 marta finalda yutqazgan.7. Lotar Matteus. 4 marta finalda yutqazgan.8. Gonsalo Iguain. 3 marta finalda yutqazgan.9. Janluidji Buffon. 3 marta finalda yutqazgan.10. Antoni de Avila. 2 marta finalda yutqazgan.