Devid Bekxem xo'jayinlik qiladigan AQShning "Inter Mayami" klubi Kataloniyaning "Barselona" klubi yarim himoyachisi Arturo Vidalga qiziqish bildirmoqda deya xabar tarqatdi Mundo Deportivo.

Nashrning xabariga ko'ra, kataloniya klubi koronavirus tufayli yozda bir nechta futbolchisi bilan xayrlashishga tayyor. "Barselona" Vidalning narxini taxminan 15 million evro atrofida baholamoqda.

32 yoshli Vidal joriy mavsum "Barselona" tarkibida 31 ta uchrashuvda maydonga tushdi va olti to'p kiritishga ulgurdi. Uning amaldagi shartnomasi 2021 yilning yozida o'z yakuniga etadi.