Bir necha kun avval "Barselona" o'zining stadioni hisoblangan "Kamp Nou" nomini bir mavsumga sotishga qaror qilgani haqida xabar tarqalgan edi. Undan tushgan pul koronavirusga qarshi kurash uchun yo'naltirilishi maqsad qilingan edi. Endi esa, kataloniyaliklar vitse-prezidenti Jordi Kardonerning aytishicha, jamoa arena nomini 26 yilga sotishga qaror qilgan. Shu tariqa, chorak asrdan biroz ko'proq vaqt davomida "Kamp Nou" boshqa nom bilan atalishi mumkin."Kelishuvga yana 25 yilni qo'shish mumkin. Birinchi yildan olingan daromad koronavirusga qarshi kurash uchun yo'naltiriladi. Qolgan 25 yildan tushgan pul klub ehtiyojlariga sarflanadi", - dedi Kardoner ESPNga bergan intervyusida.