«Barselona» klubi sobiq hujumchisi Gari Lineker nima uchun Lionel Messining o'yinidan hayratlanishini aytib o'tdi.«Basketbolda Maykl Jordan kabi futbol tarixida Messi – eng yaxshi o'yinchi. Hozirda ko'pchilik Messini Krishtianu Ronaldu bilan taqqoslamoqda, Maradona bilan emas. «Messi & Ronaldu» bahslari keskin tus oladi.Odatda odamlar qaysi jamoa — «Barselona», «Real», «Yuventus»ga muxlislik qilishidan kelib chiqib, bu ikki futbolchidan birini tanlashadi. Men ham Ronalduning fanatiman, lekin futbol tarixidagi eng yaxshi futbolchi haqida gapiradigan bo'lsak, bu erda bahsga hojat yo'q — bu Messi.Ko'pchilik Messining natijalari faqat «Barselona» bilan bog'liqligi sababli futbolchini koyiydi. Ronaldu esa turli mamlakatlarda sovrinlarni qo'lga kiritgan. Ammo bu sabab hisoblanmaydi.Messi, shubhasiz, "Barsa"da ajoyib sheriklar bilan o'ynagan, ammo hamisha ajoyib statistika namoyish qilgan. Kim unga shubha bilan qaragan bo'lsa, Messi doimo ularning nohaq ekanini isbotlab kelgan.Hattoki so'nggi bir necha mavsumda «Barselona» u qadar kuchli ko'rinmagan bo'lsa-da, uning jamoa o'yiniga qo'shayotgan hissasi kamaymayapti. Aksincha, u maydonga tushmaganda haqiqiy tartibsizlik yuzaga keladi», – dedi Lineker.