La Liga rahbariyati tomoshabinlarni stadionga qaytarish borasida tibbiy protokolni klublarga yubordi.
Ma'lumotlarga qaraganda, ishqibozlar o'yinga kirish uchun ro'yxatdan o'tishlari kerak. O'yin kuni muxlislar guruhlarga ajratiladi va navbat bilan stadionga olib kiriladi. Harorati 37,5 darajadan yuqori tomoshabinlar o'yingohga kiritilmaydi.
Fanatlar butun o'yin davomida tibbiy niqobda bo'lishlari talab etiladi. Har bir muxlisga ikkita idishda suv taqdim etiladi. Chunki stadion ichidagi do'konlar yopiq bo'ladi. Tomoshabinlar tribunada ijtimoiy masofani saqlagan holda o'tirishadi.
Qachondan boshlab tomoshabinlarning stadionga kirishiga ruxsat berilishi hozircha aniq emas. Shuningdek, o'yingohning qancha qismining to'lishiga ijozat berilishi ma'lum qilinmadi.

Manba: stadion.uz