"Tottenxem" yarim himoyachisi Tangi Ndombele faoliyatini "Barselona"da davom ettirishi mumkin. Bu haqda Frantsiya matbuoti yozmoqda.

Manbaning xabariga ko'ra, "Barsa" Ndombeleni sotib olish huquqi bilan ikki mavsumga ijaraga olmoqchi. Hozirda futbolchi "shporlar" bosh murabbiyi Joze Mourino bilan kelisha olmayapti. Shu sababli, transfer amalga oshish ehtimoli yuqori.

Eslatib o'tamiz, Ndombele 2019 yil "Lion"dan London klubiga ko'chib o'tgan. Bu mavsum 19ta o'yinda maydonga tushib, 2ta gol urgan va 2ta golga assistentlik qilgan.