Kecha Kike Setien matbuot anjumanida Artur 2019-2020 yilgi mavsumdan keyin "Barselona" ni tark etishini deyarli tasdiqladi. Murabbiy braziliyalik yarimhimoyachiga nima bo'lganini aniq aytib berdi.
-“Artur biz bilan bo'lganida undan talab qilgan narsalarimizni qabul qilishga astoydil harakat qildi.”
-“Ba'zan unga mustahkamlik etishmayapdi, ammo boshqa murabbiylar yaxshi deb hisoblagan narsalarni o'zgartirish oson emas.”
Murabbiy qo'shimcha qildi:“Arturga to'pni ushlab turish kerakligi haqida allaqachon aytilgan edi. Biz to’pga bitta yoki ikkita teginish kerakligini aytamiz. U buni qiyin deb topdi, ammo u yaxshi yo'ldan bormoqda.”
-"U [Artur] klubga katta ishtiyoq bilan kelgan birinchi o'yinchi emas va bu o'z samarasini bermayapti. Bunday holat ko'plab jamoalar va futbolchilarda bo'lib turadi."
-“U ketishini bilmayman, ammo odamlar uni yoshi tufayli ushlab turish yaxshiroq deb o'ylashadi. Aksincha, boshqa fikrda bo'lganlar ham bor."
Payshanba kuni bir nechta ishonchli manbalar Artur "Yuventus" taklifini qabul qilganini da'vo qilmoqda. Kataloniyaliklar shartnoma doirasida 10 million yevro va Miralem Pyanichni olishadi.
Avvalroq, Sky Sports "Yuventus" bosh murabbiyi Maurisio Sarri Arturni yarim himoyachi sifatida sinab ko'rmoqchi ekanligini aytgan edi.
Ayni paytda "Barselona" da bu pozisiyani Serxio Buskets egallab turibdi, Frenki de Yong ispaniyalikning vorisi sifatida qaralmoqda.
Artur bu navsumda kataloniyaliklar uchun 27 ta o'yinda 4 ta gol va 4 ta golli uzatmani amalga oshirdi. U 2019 yil oxirida tos a'zolarining surunkali shikastlanishi tufayli yettita o'yinni o'tkazib yuborgan.

Manba: Diario Sport