«Barselona» prezidenti Joan Laporta klub bir necha yil avval hakamlar texnik qo'mitasining o'sha paytdagi vitse-prezidentiga 1,4 million evro to'lagani haqidagi mish-mishlarga izoh berdi.

«Ko'k-anorranglilar» allaqachon bu haqda bayonot berib, yosh futbolchilar va hakamlik borasidagi hisobotlarni olish uchun maslahatchi xizmatidan foydalanganliklarini bildirishgan.

«Barselona» o'tmishda quyi divizion o'yinchilari haqida hisobot olish uchun tashqi maslahatchi xizmatidan foydalangan.

Boshqa ispan klublari ham shunday qilishadi, bu normal holat. Bu xabar aynan hozir, «Barsa» kuchli formaga qaytgan paytda chiqqani bejiz emas», - deya Laporta so'zlarini keltiradi Football Espana.