"Barselona" klubi sobiq hujumchisi Samuel Eto′O sobiq jamoadoshi Ronaldinoni qo'llab-quvvatlashini ma'lum qildi. Eslatib o'tamiz, braziliyalik sobiq futbolchi hozirda Paragvay qamoqxonasida o'tiribdi. "Senga salom yo'llayman! O'z hissiyotlarimni ifodalash uchun so'z topa olmayapman. Seni qanday sinovlar kutib turganini tasavvur qila olmayman. Senga kuch-quvvat tilayman va seni yaxshi ko'rishimni aytaman. Umid qilaman, barcha tezda yakunlanadi. Axir sen yaxshi insonsan. Sen menga suyanishing mumkin", - deya yozdi Eto’O o'zining "Instagram"dagi sahifasi orqali.