Robert Levandovski "Barsa"ning boshqa o'yinchilaridan bir kun oldin ta'tildan qaytdi.

Dallasdagi o'rtoqlik uchrashuvidan so'ng Xavi "Barselona"ning barcha futbolchilariga bir haftalik - jumagacha dam berdi.

Biroq Levandovski mashg'ulotlarga bir kun avval qaytishni ma'qul ko'rdi – kecha u “Barselona” bazasidagi sport zalida va maydonda ishlayotgani aks etgan suratlarni ijtimoiy tarmoqlarga joyladi.

Qayd etilishicha, Levandovski chorshanba kuni ham mashg'ulot o'tkazgan – u kislorod niqobida yugurish yo'lakchasida ishlayotgani aks etgan videoni joylashtirgan.

35 yoshli hujumchi joriy mavsumda “Barsa” safida 21 ta o'yinda maydonga tushib, 9 ta gol urdi va 5 ta golli uzatmani amalga oshirdi.