«Barselona» prezidenti Jozep Bartomeu zudlik bilan direktorlar kengashi yig'ilishini o'tkazishga qaror qildi. Chunki, jamoa sardori Lionel Messi klub ofisiga faks yuborib, jamoadan ketish istagini ma'lum qildi. Direktorlar kengashi yig'ilishi «Kamp Nou»da bo'lib o'tadi. «Barselona» rahbariyati Messiga yuborilgan faks hech qanday huquqiy asosga ega emasligini ma'lum qildi. Klub rahbariyati futbolchi bilan yuzma-yuz ko'rishib, vaziyatga echim topmoqchi.