«Barselona» Lionel Messini qo'yib yubormoqchi emas. Jamoa argentinalik futbolchidan o'zini qo'yib yuborish haqidagi talab yozilgan faksni olganini tasdiqladi. "Ko'k-anorranglilar"ning ta'kidlashicha, Messi mavjud shartnomani bir tomonlama bekor qilishga kech qolgan. Futbolchi jamoadan ketish haqidagi qarorini 30 mayga qadar ma'lum qilishi kerak edi. Hozirgi holatda esa Leo shartnomani bekor qilish uchun huquqiy asosga ega emas.«Barsa» rahbariyati, Messi ochiqchasiga norozi bo'layotganiga qaramay, vaziyat iziga tushishiga umid qilmoqda.