«Barselona» sardori Lionel Messi jamoani tark etishni istayotgan bo'lsa-da, "ko'k-anorranglilar" tarkibida mashg'ulotlarda ishtirok etadi. Argentinalik futbolchi o'ziga nisbatan jarima solinishi yoki intizomiy jazo qo'llanilishini istamaydi. U tinch yo'l bilan klubni tark etmoqchi.Ronald Kuman boshchiligidagi «Barselona»ning ilk mashg'uloti dushanba kuni boshlanadi. Messi esa yakshanba kuni koronavirusga test topshirishi kerak.