Katalon klubi yozda turinliklar bilan o'zaro yaxshi transfer siyosatini olib borishdi. Ikkala jamoa o'rtasida Pyanich va Artur almashinuvini amalga oshirilganidan so'ng, endi ispan klubi o'z futbolchisi Koutino xizmatlarini ham «Yuventus»ga taklif etmoqchi.

«Barselona» ayni paytdagi moliyaviy inqirozlar davrida maksimal darajada mablag' tejab qolish niyatida. Lekin «zebralar» katta ehtimol hozircha kataloniyaliklar qo'yayotgan baland narxni bajara olmasliklari mumkin. Shuningdek, Andrea Pirlo hozircha bu pozitsiyada ortiqcha ehtiyoj sezmayapti hamda Bernardeski va Remzilarni qo'yib yubormoqchi emas.

Eslatib o'tamiz, Koutino joriy mavsum 6 ta o'yinda maydonga tushib, 2+1 natijani qayd etgan.