"Barselona" rahbariyati qishki transfer paytida bir qator futbolchilarni sotmoqchi. Gap Ronald Kuman boshqaruvi paytida asosiy tarkibga kirmayotgan o'yinchilar haqida ketmoqda. "Marca" nashri tarqatgan xabarga ko'ra, kataloniyaliklar birinchi navbatda himoyachi Xunior Firponing transferi uchun qarzni to'lab berishi kerak. "Ko'k-anorrangilar" uni o'tgan yilning yozida 30 million evroga sotib olishgan edi. Shundan 12 million evrosi bonus sifatida to'lab berilishini ko'zda tutilgan. Firpo faoliyatini "Napoli"da davom ettirishi mumkin. Shuningdek, Karles Alenya va Rikard Puch ham transferga qo'yilishi mumkin.