«PSJ» yarimhimoyachisi Ander Errera EChL 1/8 finali doirasida «Barsa»ga qarshi uchrashuv va Messining Parijga kelishi ehtimoli haqida fikr bildirdi.

«Barsa» bilan o'yinda «PSJ»ni favorit deb o'ylamayman. Kuchlarga teng baho bergan bo'lardim. Chunki, ularda Messi bor. U menga ko'rgan eng zo'r futbolchi. Neymar esa haqiqiy etakchi. Kilian hali yosh va u yanada yaxshi darajaga chiqa oladi.

Messi, Neymar va Mbappening birgalikda to'p surishi moliyaviy feyr-pley qoidalariga bog'liq, o'ylashimcha. Aslida, Messi va «Barsa»ga hurmatni saqlagan holda, bunday savollarga javob bermagan bo'lar edim»- deydi Errera.

Ma'lumot o'rnida, «Barselona» hamda «PSJ» o'rtasidagi dastlabki o'yin 16 fevral kuni bo'lib o'tadi.