«Atletiko» «Benfika» himoyachisi Alexandro Grimaldoga qiziqish bildirmoqda.

25 yoshli ispaniyalik futbolchi «matraschilar» himoya chizig'ining chap qanotini kuchaytirishdagi eng ustuvor vazifasidir.

Madrid klubi yanvar oyida futbolchining transferi bo'yicha aloqalarni boshladi va muzokaralar bahorda yana davom etdi.

Grimaldo uchun tovon puli 60 million evroni tashkil qiladi. Ehtimol, muzokaralardan so'ng haqiqiy transfer kompensatsiyasi pastroq bo'lishi ham mumkin.

Ma'lumot uchun, Alexandro 2008-2013 yillar oralig'ida "Barselona"ning turli yosh toifasidagi jamoalarida to'p tepgan.

Grimaldo ushbu mavsum Portugaliya chempionatining 26 o'yinida maydonga tushib, 2 gol va 8 assistni o'z hisobiga yozdirib qo'ygan.