Hujumchi Neymar faoliyatini PSJda davom ettirishi mumkin.

29 yoshli braziliyalik klub bilan shartnomasini 2026 yilga qadar uzaytirish bo'yicha kelishuvga erishgan, deya ma'lumot berdi L’Equipe.

Shartnomani rasmiylashtirish va uni rasmiy e'lon qilishi shanba kuni o'tkazilishi lozim.

Eslatib o'tamiz, Neymar 2017 yili 222 mln evro evaziga «Barselona»dan PSJga o'tgandi. U parijliklar safida Frantsiyaning uch karra chempioni bo'ldi va o'tgan yili Chempionlar Ligasi finaliga qadar bordi.