Payshanba kuni Transfermarkt portali sahifalarida Ispaniya chempionatida o'ynayotgan ba'zi futbolchilarning narxlari yangilandi. Bu borada eng yuqori natija esa “Barselona” himoyachisi Pau Kubarsi bo'ldi.

Agar ilgari u 1,5 million evroga baholangan bo'lsa, hozir Kubarsi 25 million evro turadi. Muntazam o'ynashni boshlagan Kubarsi 1566,7% ga qimmatlashdi!

So'nggi yangilanish natijalariga ko'ra La Liganing eng qimmat futbolchilari reytingida ikkinchi o'rinni Samu Omorodion egalladi. “Alaves” forvardining narxi 20 millionga qimmatlashdi va hozir 40 million evroga baholanmoqda.

Kuchli uchlikni “Barselona”dan Lamin Yamal (yangi narx – 75 million evro) va “Real”dan Braim Dias (35 million evro) yakunlab turibdi. Har ikki futbolchining narxi 20 millionga oshgan.