«Manchester Yunayted» avvaldan beri muzokaralar o'tkazib kelinayogan «Barcelona» hujumchisi Usman Dembeleni sotib olmaydi, deb xabar bermoqda Sport.es. Bunga frantsuzning Evroda orttirgan jarohati sabab bo'ldi.

Manbaning xabariga ko'ra, ingliz klubi futbolchi uchun 50 million evro to'lashga tayyor. Biroq, ushbu transfer amalga oshmaydi, chunki Dembele jarohati bois kamida 4-6 oy davomida safdan chiqqani ma'lum bo'ldi.

O'tgan mavsumda 24 yoshli Usman «Barselona» tarkibida barcha turnirlar doirasida 44 uchrashuv o'tkazib, 11 ta gol urdi va beshta golli uzatmani amalga oshirdi. Uning klub bilan shartnomasi 2022 yilning yozigacha amal qiladi.