"Manchester Yunayted" "Inter" jamoasining xorvatiyalik yarim himoyachisi Martselo Brozovichga qiziqish bildirmoqda, deya xabar bermoqda La Repubblica.

 

Manbaga ko'ra, ingliz klubi yozgi transfer oynasida futbolchi sotib olmoqchi va u uchun 30 million evro to'lashga tayyor. Yarim himoyachining "Inter" bilan shartnomasi bir yildan so'ng tugaydi, shu sababli klub uni sotishga rozi bo'lishi mumkin. Oldinroq Xorvatga "Barselona" qiziqish bildirayotgani haqida xabar berilgan edi.

 

O'tgan mavsum 28 yoshli Brozovich "Inter" tarkibida barcha turnirlarda 42 o'yin o'tkazib, ikkita gol va 7 ta golli pas berdi.