«Barcelona» yarimhimoyachisi Riki Puch o'ziga kelib tushgan uch klub taklifini rad etdi, deya xabar beradi ispan mahalliy nashrlari.

«Granada», «Selta» va «Ayaks» futbolchini ijaraga olmoqchi bo'lishgan, ammo ularning takliflari Puchni qiziqtirmadi.

Futbolchi juda kam o'yin amaliyotiga ega bo'lishiga qaramay, Kataloniya klubini tark etmoqchi emas. O'tgan mavsumda 21 yoshli yarim himoyachi La Liganing 14 uchrashuvida qatnashgandi. U maydonda har bir o'yini uchun o'rtacha 20 daqiqa sarflagan.