«Barselona» bosh murabbiyi Ronald Kuman Lionel Messining ushbu mavsumda «Oltin to'p» uchun imkoniyatlari haqida gapirdi.

"Messi biz uchun juda muhim, u jamoa sardori va o'rnakdir. Uning samaradorligi juda katta. U Amerika Kubogini yutishni juda xohlardi va u dunyodagi eng yaxshi o'yinchi bo'lgani uchun g'alaba qozonishga odatlangan.

Men uchun u «Oltin to'p»ni qo'lga kiritishda asosiy favorit", dedi Kuman.

Eslatib o'tamiz, avvalroq Messining "Barselona" bilan 5 yillik kelishuvga erishgani haqida xabarlar tarqalayotgan edi.