«Real» bosh murabbiyi Karlo Anchelotti argentinalik hujumchi Lionel Messining «Barselona»dan ketishiga izoh berdi.«Messining ketishi meni hayron qoldirdi, chunki u bolaligidan «Barselona»ning yuzi edi. Lekin men 42 yildan buyon futbolda ishlayman, qancha futbolchilar jamoani almashtirganini ko'rdim. Ammo Messi «Barselona»da bo'ladimi yoki yo'qmi, hech narsa o'zgarmaydi. Biz hali ham ular bilan kurashishimiz kerak», – dedi Anchelotti Marca nashriga bergan intervyusida.Eslatib o'tamiz, hujumchi shartnoma muddati tugagach jamoani tark etdi. Keyinroq esa PSJ bilan shartnoma imzoladi.