Yarim himoyachi Serxi Roberto "Barselona" bilan yangi shartnoma borasida kelishib oldi, deb xabar beradi Sport.es nashri. Avgust oxirigacha futbolchi 2024-yilgacha mo'ljallangan shartnomaga imzo chekadi. Avvalroq, 29 yoshli ispaniyalik futbolchi Kataloniya jamoasida maoshni qisqartirishga rozi bo'lgani ma'lum bo'lgan edi.

Robertoning amaldagi shartnomasi 2022-yilning iyunigacha amal qiladi. Futbolchi 2010/11-yilgi mavsumdan buyon kataloniyaliklarning asosiy jamoasida o'ynaydi.