«Barselona» hujumchisi Memfis Depay «MYu»dagi omadsiz vaqtlari haqida gapirdi. U «El Periodico» nashriga shunday deydi:

«Men nega bunday bo'lgani haqida ko'p o'ylayman. «MYu»dagi dastlabki mavsumimda moslashdim va tabiiyki yaxshi o'ynay olmadim. U erdagi vaziyat eski jonajon klubim, «PSV»dagidan ancha farq qilar edi. Men o'zimga bo'lgan ishonchni va murabbiy Lui van Gaalning ishonchini yo'qotgandim. Keyingi mavsumda o'zimga keldim, moslashdim va tajribaliroq bo'ldim. Ammo rahbariyat murabbiyni almashtirdi. Joze Mourino jamoani boshqardi va u tarkibdagi futbolchilar bilan janjallasha boshladi. O'ylaymanki, Jozeda asosiy tarkibda menga imkon berib ko'rish g'oyasi umuman bo'lmagan. U menga hech qachon imkon bermagan. Hech qachon!»