Qatarda boshlanadigan jahon chempionatining eng yosh 3 nafar futbolchisi ma'lum bo'ldi. Bu borada 1-o'rinni Germaniya terma jamoasi va Dortmundning «Borussiya» klubi hujumchisi Yussufa Mukoko egalladi. Ushbu futbolchi Mundial boshlanadigan kun — 20 noyabrda 18 yoshga to'ladi. Reytingda ikkinchi pog'onani 2004 yilning 15 sentyabr kuni tug'ilgan Avstraliya terma jamoasi forvardi Garang Kuol band etdi. «Barselona» klubi va Ispaniya terma jamoasi yarim himoyachisi Gavi kuchli uchlikka kirdi (2004 yil 5 avgust).