Avvalroq "Manchester Yunayted"da o'ynagan Memfis Depay Angliya Premer-ligasiga qaytishga yaqin turibdi.

Sport.es nashrining xabariga ko'ra, 28 yoshli hujumchiga Londonning "Arsenal" klubi qiziqish bildirmoqda. Premer-liga etakchisi Depayni Qatardagi jahon chempionatida jarohat olgan braziliyalik Gabriel Jezusning o'rnini egallashi mumkin deb hisoblamoqda.

Memfisning transfer narxi 20 million evro. Uning "ko'k-anorranglilar" bilan shartnomasi 2022/2023 yilgi mavsum oxirigacha mo'ljallangan.

La Liganing joriy mavsumida niderlandiyalik futbolchi atigi ikkita o'yin o'tkazib, bitta gol urgan.