Xavi Endrikni "Barselona"da ko'rmoqchi edi.

"Palmeyras"ning 16 yoshli hujumchisi "Real" bilan shartnoma imzoladi. U 2024 yilning iyul oyida jamoaga kelib qo'shiladi.

Marca xabariga ko'ra, madridliklarning Endrik uchun kurashdagi asosiy raqibi "PSJ" bo'lgan, ammo "Barselona" braziliyalik hujumchi uchun kurashda oxirgacha qatnashgan. Futbolchi o'tgan fevral oyida oilasi bilan Madrid, Parij va Barselonaga sayohat qilgan edi.

U shaharlar va klublar shartnoma imzolagan taqdirda unga nima taklif qilishlari bilan tanishdi. 2022 yilgi jahon chempionatida ham Xavi Endrikning "Barsa"ga o'tishini xohlardi, ammo yosh braziliyalik "Real Madrid"ga o'tishni maqsad qilgani ma'lum bo'ldi.