"Liverpul" va "Barselona"ning sobiq hujumchisi Luis Suares yangi jamoa izlashda davom etmoqda. Jurnalist Nikolo Shkiraning yozishicha, futbolchini taklif qilishga “Inter Mayami” qiziqmoqda, biroq hujumchiga “Kruz Azul”dan ham taklif bor.

Eslatib o'tamiz, Suares mavsum boshida Urugvayning "Nasional" jamoasida o'ynadi va u bilan bir necha oylik qisqa muddatli shartnoma imzolagan va bu shartnoma Qatardagi jahon chempionati boshlanishi bilan yakunlangandi.

Suaresning Evropadagi so'nggi klubi "Atletiko Madrid" bo'lib, urugvaylik futbolchi 2020/21 yilgi mavsumda Ispaniya chempioniga aylangandi.