"PSJ" "Barselona" vingeri Usmon Dembelega qiziqish bildirmoqda, deya xabar beradi Sport.

Biroq Parij klubi 25 yoshli frantsiyalik futbolchining shartnomasidagi 100 million evrolik tovon pulini taklif qilishi dargumon.

Kataloniyaliklar bosh murabbiyi Xavi yozda futbolchini jamoada olib qolish uchun qo'lidan kelgan barcha ishni qildi, shuning uchun endi u Dembelening ehtimoliy ketishiga qarshilik ko'rsatishi mumkin.

Yozda futbolchi "Barselona" bilan 2024 yilning yoziga qadar yangi shartnoma imzoladi.

Avvalroq, 2023 yilda tovon miqdori 50 million evrogacha kamayishi xabar qilingandi.

Joriy mavsumda Dembele 21 uchrashuvda 5 ta gol urdi va 7 ta golli uzatmani amalga oshirdi.