"Barselona" bosh murabbiyi Xavi Ispaniya kubogining 1/8 final bosqichiga qur'a tashlash natijalari haqida fikr bildirdi.

"Barselona"ga murabbiy bo'lganimdan beri birinchi marta qur'a tashlashda omadimiz keldi. Lekin buni maydonda isbotlash kerak. Biz qog'ozda kuchliroqmiz, lekin bu faqat qog'ozda. Bizni kuchsiz raqiblar mag'lub etishdi. Oldinga borish uchun ajoyib o'yin ko'rsatish kerak", - deya Xavi so'zlarini keltiradi Mundo Deportivo.

Ispaniya kubogi 1/8 finali doirasida "Barselona" "Seuta" bilan uchrashadi. Uchrashuv 19 yanvar kuni bo'lib o'tadi. Boshlanish Toshkent vaqti bilan 01:00 da.

Avvalroq, futbol bo'yicha Ispaniya kubogining 1/8 final bosqichiga qur'a tashlash natijalari ma'lum bo'lgandi.