Ispaniya Superkubogi finalida "Barselona" va "Real" to'qnash keladi.

Yarim finalda Xavi shogirdlari “Betis”ni (2:2, penaltilar seriyasida 4:2) mag'lub etishdi, Karlo Anchelotti shogirdlari esa “Valensiya”dan (1:1, 4:3 penaltilar seriyasida) ustun kelishdi.

Final 15 yanvar kuni Saudiya Arabistonida soat 23.59da start oladi.

"Barselona" va "Real" 2017 yildan beri ilk bor Ispaniya Superkubogi finalida o'ynaydi. O'shanda ikkita o'yindan iborat bahsda madridliklar ikkalasida ham g'alaba qozonishgandi - 3:1 va 2:0.

Kataloniyaliklar 13 marta Ispaniya Superkubogini qo'lga kiritgan, "qaymoqranglilar" esa 12 marta.