Kataloniyaning "Barselona" klubi prezidenti Joan Laporta qaysi klublarni dunyoning eng yaxshi klublari deb bilishini aytdi.

"Barselona" va "Real" dunyoning eng yaxshi ikki futbol klublari", - dedi Laporta.

Bir kun avval Ispaniya Superkubogi uchun final o'yini bo'lib o'tdi va unda "Barselona" "Real" bilan to'qnash keldi. "Ko'k-anorranglilar" 3:1 hisobida g'alaba qozondi. Bu jamoaning bosh murabbiy Xavi Ernandes boshchiligidagi ilk sovrinidir.

Kataloniya jamoasi navbatdagi o'yinni Ispaniya kubogi 1/8 finalida "Seuta" klubiga qarshi o'tkazadi. Uchrashuv 19 yanvar, payshanba kuni bo'lib o'tadi.