«Barselona» himoyachisi Alexandro Balde ertaga La Liga doirasida «Sevilya»ga qarshi o'yinda ishtirok etadi.

Bu haqda matbuot anjumanida jamoa bosh murabbiyi Xavi Ernandes ma'lum qildi.

«Balde? Shifokorlar uning yaxshi ekanini aytishdi. U ertangi o'yinga tayyor. Biroq, biz hali Alexandroni «Sevilya»ga qarshi maydonga tushirish-tushirmaslik borasida bir qarorga kelganimiz yo'q», - dedi Xavi.

Eslatib o'tamiz, bu mavsumda Balde Ispaniya chempionatida 4 ta golli uzatmani amalga oshirdi. «Barselona» Alexandro bilan shartnomani uzaytirish ustida faol ishlamoqda. 19 yoshli futbolchining amaldagi shartnomasi kelasi mavsum oxirida yakuniga etadi.