"Barselona" Ispaniya La Ligasining 24-turi doirasida "Valensiya"ga qarshi bo'lib o'tgan o'yinda klub rekordini yangiladi.

Ruben Baraxa jamoasi ustidan qozonilgan g'alaba "ko'k-anorranglilar" uchun La Liganing joriy mavsumidagi sakkizinchi 1:0 hisobidagi g'alabasi bo'ldi.

Kataloniyaliklar o'z tarixida birinchi marta Ispaniya chempionatida 8 ta o'yinda 1:0 hisobida g'alaba qozonishdi. Bu natijani qayd etish uchun "Barselona" 24 tur o'ynadi.