"Barselona"ning transfer maqsadi "Manchester Siti" yarim himoyachisi Bernardu Silva edi. Biroq, kataloniyaliklar bu g'oyadan voz kechishga majbur bo'ldi, chunki klub 60 million funt (taxminan 68 million evro) to'lashga tayyor emas.

The Sun nashri xabariga ko'ra, "ko'k-anorranglilar" "shaharliklar"ning boshqa o'yinchisi - Ilkay Gyundoganga qiziqish bildirmoqda. Anchadan beri mish-mishlar "Barselona"ni 32 yoshli nemis futbolchisi bilan bog'lab turadi.

"Barselona" Gyundogan uchun ikki yillik shartnoma tayyorlamoqda, "Manchester Siti" esa futbolchiga faqat bir yillik shartnoma taklif qilishga tayyor.

2022/2023 yilgi mavsumda Ilkay Gyundogan "Manchester Siti" tarkibida 38 ta o'yin o'tkazib, 5 ta gol urdi va 4 ta golli uzatmani amalga oshirdi.